Per Sivle
Født i Flåm 6.4.1857, døydde i Kristiania 6.9.1904.
Gravlagd i Drammen.
Han vart gift 1.8.1887 i Laksevåg kyrkje med
Wenche von der Lippe Nilsen, f. 30.12.1856, d. 21.10.1932.
Per var son til Eirik Hansson Sivle, Stalheim og Susanna Andersdotter Ryum, Flåm.Mora døydde etter den tredje tvillingfødselen 19.10.1859.
Per var tvilling og den einaste som levde opp av dei seks gutane som mora fødte.
På Oppheim gamle kyrkjegard vart det 10.6.2007 avduka eit minnesmerket "Mor si grav" der Per si mor er gravlagd.
Per var berre 2 1/2 år gamal då mora døydde, og då faren var mykje borte og såleis ikkje kunne ta seg av guten, voks han opp i tre ulike fosterheimar, det meste av tida hjå familien Botolv og Brytteva Brekke på Brekke-garden ved Stalheim. Der kom han som 6 åring og vart verande der resten av oppveksten.
Per Sivle er mest kjend for si diktning, men han var også redaktør for Buskeruds Amtstidende 1883-84 og Kristianiaposten 1887-91.
Av hans forfattarskap er det vel diktet "Den fyrste song"
(som er mykje brukt som allsong) og forteljingane om "Fanta-Nils" og "Berre ein hund" som er mest kjent.
"Berre ein hund"er det det også laga film av.
